Facultade de Ciencias Empresariais e Turismo
Por que estudar aquí
Descubre por que a FCETOU é a mellor opción para o teu futuro
Excelencia académica
Docencia de calidade baseada na innovación e na experiencia profesional. Unha formación sólida orientada á empregabilidade e á especialización.
Internacionalización
Vive unha experiencia global con programas de mobilidade europea e internacional.
Conexión coa empresa
Desenvolve competencias profesionais en contornas reais de traballo. Formación en contacto directo co tecido empresarial.
Campus moderno
Espazos modernos que favorecen a formación, a colaboración e a innovación. Instalacións adaptadas ás novas formas de aprender e traballar. Un campus equipado para o ensino práctico e a experiencia universitaria completa.
A nosa oferta académica
Dous graos, múltiples camiños profesionais
Grao en ADE
+ infoAdministración e Dirección de Empresas. Fórmate para liderar empresas e organizacións.
ADE + Enxeñaría Informática
Combina a xestión empresarial co desenvolvemento tecnolóxico. Perfil moi demandado no mercado actual.
ADE + Dereito
Formación integral en empresa e lexislación. Ideal para asesoría xurídica e dirección corporativa.
Business Administration en Alemaña
Estancia dun ano completo nunha universidade alemá. Titulación bilingüe e enfoque global.
Grao en Turismo
+ infoXestión turística con enfoque práctico e internacional. Prepárate para un sector en constante crecemento.
Turismo + Xeografía e Historia
Complementa a túa formación turística cunha visión histórica e cultural do patrimonio e as sociedades.
Termalismo en Francia
Especialízate en turismo termal cunha estancia dun ano en Francia.
Xestión de cruceiros en Alemaña
Formación en xestión de cruceiros cun ano completo en Alemaña.
Descobre xente e historias FCETOU
Voces da nosa comunidade
Egresados
Alumnos que están traballando en empresas destacadas
O meu paso pola Facultade marcou profundamente a miña vida. Non só adquirín coñecementos para o meu futuro profesional, senón tamén vivencias e amizades que aínda hoxe me acompañan.
Aprender a traballar en equipo. Superarse cada día. Ver cada tarefa como un reto de aprendizaxe. Erasmus, idiomas, xente internacional, saír da miña zona de confort.
O meu paso pola Facultade supuxo unha etapa de crecemento tanto académico como persoal, que me axudou a orientar mellor o meu camiño e especializarme no que máis me motivaba.
A universidade me axudou a crecer como persoa, a prepararme con ilusión e realismo para o futuro e a traballar en equipo forxando amizades que perduran até hoxe.
Adquirín a formación necesaria para entrar no mundo laboral, destacando a oportunidade de realizar prácticas en diferentes empresas.
O máis importante foi o crecemento persoal e académico. A universidade é onde nace o primeiro networking e onde se comeza a construir a propia identidade.
Axudoume a crecer como persona e a ter a oportunidade de coñecer outras universidades extranxeiras e aprender outros idiomas.
Foi unha gran experiencia de aprendizaxe, cun profesorado sempre cercano e con gran apoio ao alumnado.
Formación, compañerismo e adquisición de valores.
Historias de alumnos actuais
Coñece a experiencia dos que están a formarse agora
Vida universitaria
Campus e Ourense
Vida no campus
Instalacións modernas, biblioteca, espazos de coworking e cafetería. Un campus compacto con todo o que necesitas para estudar, conectar cos teus compañeiros e desenvolver a túa vida universitaria de forma cómoda e produtiva.
Ourense como destino
Cidade, calidade de vida, ocio e contorna natural. As Burgas, o río Miño, a gastronomía galega e un ambiente universitario próximo e acolledor fan de Ourense un destino ideal para vivir a túa etapa universitaria.
Benestar e servizos ao estudante
Apoio académico, orientación, actividades deportivas e servizos de benestar ao teu alcance. A facultade acompáñate en todo o proceso universitario para que poidas rendir ao máximo e sentirte ben durante a túa formación.
Asociacións e participación
Delegación de estudantes, clubs, voluntariado e actividades culturais. Forma parte dunha comunidade activa e comprometida, onde podes implicarte, crear proxectos e construír vínculos que van moito máis alá das aulas.
Empregabilidade
As empresas confían en nós
Máis información
Contacta coas coordinadoras
